شعر وخواطر

قول تم

 

ابتسم يانصفي الثاني ابتسم
خل كل الدنيا فرحانة معاك

لأنك إنت السيد الي بس مهم
أنسى كل الكون لو قلبي وياك

فرحتي مع شوقي كلها تحترم
جيّتك وحضورك إنت ياملاك

وأنا أقول لو نص طيبك ينقسم
يكفي العالم هنا وهنا وهناااااك

أجودي وطبعك مثل أهل الشيم
منهو مثلك ياحبيبي في وفاااك

خذتني من عالمي كني ب حلم
وانورت دنياي من شمعة سناك

صرت كني ساكنة باعلى القمم
واحتواني قلبك بعالي سماك

لو تجي عيني بعينك يالشـهم
أسرح بعالمك وانسى من سواك

إنت تكفيني من الدنيــا نــعم
مابي غيرك بس أبااتنفس هواك

وماأصدق حد مثلك في الكرم
في حنانك في كلامك ياحلاك

من يعرف العشق يعتبرك هرم
تعتلي القمة وقلبي دووم وراااك

إنت إنت حبي الأول والأهــم
قلبي اللي هام فيك وماانسااك

وماكتب قلبي لغيرك أي نغم
إنت كل الشعر وبحوره شذاك

ياحبيبي يااملاكي قوول تــم
قلب تووحة وعمرها كله فداك

( تووحة الديوان السابع )

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى