(( رجا .. ! ))

بقلم : هاله النعمي ..

ياكم ترجيته ،، وقلبي تمناه
وأثره على فرقاي هاليوم ناوي
خوفي دموعي تنتثر عند فرقاه
وهناك خلي غارقاً في الغناوي
تعبت ابكي والبلا في نواياه
وأعطيت حتى فيني تاهت خطاوي
وأصبحت مثل الحلم في كف يمناه
ذكراه جرح داخل الجوف كاوي
اثره ذبح قلبي من اقصاه لأقصاه
ويرميه في وادي ٍ ..بقاعه بلاوي
ليته فهم هالحب ويعيش معناه
ماكان يرضى ،، بالوله والرجاوي
الحب جرح الليل والشوق والآه
والدرب مهما ،، زان بيكون غاوي
خلك شديد شعور ،، وفي يوم تلقاه
بتضم كفه ،، دون خوف وهقاوي ..

بقلم : هاله النعمي ..