اكتبك
حرف بدمعتي
وارسمك في نبض الوريد
يا أغلى تناهيد الهوى
يا احلى عبارات القصيد
يا اخر
مسافات الغرام
وأجمل بدايات الجديد
اعطيك من نبض الوريد
وأنت تعذبني وتزيد
ناديت لك ناديت فيك
واروح لك و اوله عليك
واموت من شوقي إليك
دورت فيك
دورت لي
في غيبتك ناديت فيك
ولقيتني أركض على حالي وحيد
هذا انا مبحوح ليك
مشتاق في نبضي طفى
صوت الصدى ولى بعيد
وقفت في وجه المغيب
والباب والمعنى حديد
وأنتَ تعذبني وتزيد
تزيد يالقاسي تزيد
يا أقصى
سراديب الظلام
طاح الكلام
ومن الوله مديت أيد
وأنت تعذبني وتزيد
تزيد قيدي فوق قيد
أكيد متعبني أكيد
حيرتني وش تستفيد
علمني وش مني تريد
عنيد في طبعك عنيد
وتعيد تذبحني تعيد
والليل جافني عنيد
وأنت تعذبني وتزيد
وانا اذوب اموت فيك
وارسمك في ليل القصيد
د/علي الشعواني…
