للحين أحبه وله بالحيل أشتاق
بس الكرامة عاندتني بقوووة
اللي يبي فرقاي يبشر بالفراق
لا ترضى ياقلبي بقليل المروة
خلك عزيز النفس واكتم هالأشواق
واصبر على فرقااه ترا هو تووه
بادي يعرف الحب وقليبه ماذاق
الا اللعب والمزح وحركات فتووة
هو ينتظر إنك تقول له مشتاق
ويحس إن قلبك مافيه الا هوو
خله يتعلم حب مع ذوق واخلاق
وان المشاعر تسكن القلب جووة
ماهي مجرد حرف نكتبه فوق الأوراق
الحب يخلي العاشق يعيش جووه
ويعرف قدر حبه بوسط بالأعماق
الود يبني في القلوب الأخووة
ويقوي الإحساس ويربطه بميثاق
الحب مو لعبة ولا هو ب نزوة
تلقاها بالشارع و بدروب الاسواق
ممكن بلحظة طيش تجربها عنوة
هو مسألة إعجاب مابين الأذواق
وأرواح تتآلف ويصير فيها فدوة
يعني فديتك توصل لعالي الآفاق
ويحس فيها الشخص تعطيه عزوة
لما اقول مشتاق ايه صدق مشتاق
صددقني يااغالي احبببك بقوووة
( تووحة الديوان الرابع )
