حين اذكره ..وأستذكر أيام وده
يامركب أحلامي ومرسى السفينه
لا قلت أحبه تزهر اورود خده
ومن الحياء ينظر لي بطرف عينه
ويعض عناب الشفايف ببرده
ويغطي بكفه …. على جمرتينه
وسمع لنبضه وأصل اقصى حده
وضاعت علومي بلمسة من يدينه
وطاشت يديني بين هزله وجده
حتى غدت روحي لطيشه رهينه
ما شفت مثله لا ولا شفت قده
لو خيروني ..ب الف حلوه وزينه
الحال بعده صابها البعد شده
والنفس ياهي في هواها سجينه
من يوصل المرسول ياتي برده
لو كان رده لي يزيد الغبينه !!
احمد جحران المعيني ✍🏼
