(( الحَــــــرّ حَر الهرج)) 

الشاعر الشريف حمد العبدلي الهاجس 🌿

الناس قالت حَرّ والحَرّ في الصيف

والحَرّ ماهو في ارتفاع الحراره

حَرّ الجمر لاهِب تحت دلة الكيف

والعاشق اللي اكتوى بحَرّ ناره

وحَرَّ العدوا لاصار دون المواليف

تكوي بقدر الحب لو هي شراره

وحَرّ قلب اللي من العام ماشيف

ماينتظر من صاحبه كود غاره

تجلي هموم اللي حسين التواصيف

وتبرد لواعج ساكنه وسط داره

والحَرّ حَرّ الهرج واشهارة السيف

من الردي لاخاب في حق جاره

والحَرّ حَرَ الشوق ان خالطه طيف

للي بعيد وينتــظر وش قـــراره

اما يصدّه صدّة النذل للضيف

والا يرحّب به ويرسل بشـاره