ياشين من يبعد
وفي الروح طاريه
عقبه يصير القلب
ضايع ومقهور
ومهما يمـــرّ الوقت
محدن يسلّــيه
فرقااه مو بسهلة
ولكنْه مجبووور
هوّ الوحيد اللي
أعززه وأغليـــه
وهو الّي له هيبة
وتقدير وحضور
أسطوري الطلّة
وحنــاانه مخليه
سلطان في عشقه
وماهو بمغرور
ماشفت أنا مثله
ومحدن يجاريه
واضح معي نشمي
مايلف ويدور
احترت أنا وشلون
أقدر أجازيه
وهذا اللي خلاني
متيم و مسحور
أسهر مع طيفه
وأكتب وأناجيه
بأجمل قصايد حب
والقلب مسرور
ماأظن في معشوق
يشبه معاليه
أستاذفي حبه
وفي العشق دكتور
وبقول كلمة حق
واللي محليــه
قلبه سموح وأبيض
ماجرّب الزور
معقول كل هذا
وتبوني أخلّيه
مجنونة أناأرضى
بغيره وهو النور
(تووحة الديوان الثامن )
