مجد الوطن – محمد ال غواء
سلام يا نجد يا مربى الملوك الحرار
اللي سمت فوق هام السحب هقواتها
في كل شبر من ارجاها نمو و ازدهار
وتاريخ يحكي لنا واقع حضاراتها
من ارضها كم عقد قمة وصدر قرار
ومسقط رووس الدواهي في عرصاتها
فيها صمود الرجال وفرحة الانتصار
والسيرة اللي تشرفنا ملفاتها
فيها عزوم الكبار و كبرياء الكبار
في صفحة المجد ما تحصى بطولاتها
الاسرة اللي تعسف الحكم عسف المهار
رزت على هامة الامجاد راياتها
راياتها عز و مهابة سمو وافتخار
ما تمحى مع مرور الوقت وقفاتها
وقفاتها في الشدايد لو يدار الحوار
افعولها الواضحة تسبق قراراتها
للصاحب اعمار والخاين هلاك ودمار
هم سادة العرب و العالم وقادتها
قادتها لا احتمى الموقف وثار المثار
ما طالت اترابها الفتنة وثوراتها
يوم ان بعض الدول مابين غار ونار
والناس ثوراتها تنهب ثراواتها
في ظل سلمان ما للمستحيل اعتذار
ارقاب الافكار طوع مستحيلاتها
معه جميع الدول تنعم بحسن الجوار
واللي تدور وتلف يقطع علاقاتها
يمد كف الحزم في واضحات النهار
ويمد كف العطا في جوف ظلماتها
الحازم اللي بخبراته يخوض الغمار
يدوس عيالها ويحوز ظفراتها
بتر يدين الفساد و خذ من الفقر ثار
ومسلسلات الثعول انهى حلاقاتها
اغلوه شعبه وكنه للمشاعر مزار
وتشاركه الام في صادق دعاواتها
حتى اصبحت كل ديرة من بعضها تغار
تدعيه طفلة ويتعاطف لدمعاتها
استكشف الخطة اللي في الخفايا تدار
خلا بنات الخنا تترك حركاتها
لولا القيم و الشيم ما طول انتظار
شال اسمها م الخريطة واتجاهاتها
ومحمد اللي جعل رؤيا التقدم شعار
عليه من صادق النية تحياتها
سعادة الشعب عنده فوق كل اعتبار
يتلمس ظروفها ويشوف حاجاتها
كسر خشوم العدا بسياسة الانبهار
حتى تصدر على شاشة قنواتها
اكبر مثل للنجاح وفلسلفة الاختصار
من ثامن المعجزات و من علاماتها
في عام حقق طموح ما عليه الغبار
وتغلب على الدول وعلى سياساتها
اسمه رغم صغر سنه واسع الانتشار
كنه خلق للمواقف والمهماتها
حن نحمدالله على نعمة طوال العمار
النعمة الي عطانا الله بركاتها
والله ينصر حكومتنا على كل ضار
ويعز حيينها وان يرحم امواتها.
