حبك جــرى كالنجــم داخل مساري
تَـوَّه أحاسيسي وسَهّـــــر خفـــوقي
ليــلي على ذكــــراك أحيـــا بنـــاري
لو بالبريـــد ارسل رسالــة لشـــوقي
لاجل ابتســـم لك واتخذ بك قراري
كلمـــة هـــلا قلبي تطَـفٍّي حــروقي
دايـــم أفكـــر فيـــك ليلي ونهــاري
حتى متى والشـــوق يسبي عروقي
طاريك في الوجــدان مليون طـاري
وغروب نجمـــك مايطاوع شـروقي
ياليت تقبـــــل حجتي واعتــــذاري
فالشوق طبعي والعتَب من حقـوقي
دايــــم تواجـهني ببنــــد الطَّـــواري
وتقــــول هَــدَّي ياشمــوخي وروقي
عجيب حكمــــك وانت بالســرّ داري
أنا أحبــــك وانت عنــدي صـــدوقي
ماهـو -إذا قلت أعشقك- باختيـــاري
والبعــــــد عني مايشكِّــل فــــروقي
حبـــك حكمني صار يسكن جـــواري
مثل القــدر يلعب وموجـه صفـــوقي
شعري ونثــري فيك أصبـح شعـــاري
ينطـــق بإسمـــك يا حــلاتي وذوقي
شموخ الهرملي
