البارحه ونيت من ضيق الانفاس
ونتي يوم الخلايق…… …غفيه
سراني الهاجوس وذكرتلي ناس
اللي اسكنوا في مهجتي الداخليه
مغرم بشوف الزين لي حلو الانعاس
عسى يخفف من شواضي لضيه
اللي اسكنوا في مهجتي حطوا وسواس
من بعد ما نسهر ليالي سويه
كنت احسبه جوهر وعقد من الماس
او دانة وسط البحور… الخفيه
بس للأسف حدوه عن دربي الناس
وخلوه يتبع يدتن….. بوبهيه
خلي طعني غدر وبرمح جساس
ياللي غدر بكليب في مد هويه
وامسى طعين ن يكتب بدمه اطراس
ويوصي بشن الحرب لأهل الوصيه
عاذلت نفسي عن هوى درب الادناس
واحدها حد المطايا الظميه
واقراء عليها الفاتحه وسورة الناس
عن رمسة العذال وأهل الدعيه
عاداتنا نأثر على خصمنا باس
ونرفع علمنا والرواسي قويه
ونترك ضعيف النفس لي كان دساس
يعطيك وجه والخوافي رديه
وعندي على قولي تبرهين واحساس
باثبات ومحامي وقاضي القضيه
الشاعر احمد بن علي المقبالي
