🇸🇦🇸🇦هذا أنا وذا منهجي 🇸🇦🇸🇦

حب الوطن ماهو كلام … نشرة ورسمة والسلام
حب الوطن ماهو صخب… ورقص وانغام وزحام
حب الوطن ماهو جمل …من غير تحقيق المرام
حب الوطن وش موطنه؟! …قلب الفتى الحر الهمام
اللي على الوضحا مشى …مايتبع أفكار الغشام
وبالروح يفدي موطنه …و للملك درع وحسام
،،،،،،،،،،،،،،،،،،،،،،،،،،،،،،،،،
أنا السعودي وافتخر …معلق على صدري وسام
حب الوطن ياناشدي … بين الخلايا والعظام
حبى مواقف ثابتة …مثل الشمس بعد الظلام
لبيه ياحامي الوطن …لبيه لمن صلى وصام
يافخرنا يوم الوغى … لاثار واشتد الضرام
يادرعنا في حربنا … وفي السلم منظومة سلام
،،،،،،،،،،،،،،،،،،،،،،،،،،،،
أنا السعودي ومنهجي …شرع.(ن)وسنة والتزام
بكتاب ربي وقدوتي …المبعوث رحمة للأنام
أمشي على نهج النبي …وأطيع حاكمنا الامام
،،،،،،،،،،،،،،،،،،،،،،،،
أنا السعودي انولد …حب البلد قبل الفطام
وسار في دمي مثل … نبضات قلبي بانتظام
اتنفسه مثل الهوا ….حب الوطن عشق وغرام
،،،،،،،،،،،،،،،،،،،،،،،،،،
أنا السعودي اللي عزم … يكون قائد للسلام
لاتفرقه لا عنصرية … لاتحزب أو خصام
دستورنا الشرع القويم … مابعد منهجنا كلام
،،،،،،،،،،،،،،،،،،،،،،،،،،،،،،
أنا السعودي مذهبي … حب التماسك والوئام
حول القيادة والعلم … لا كره فيها لاانقسام
عادات واسلوم وقيم … رحمة ورأفة واحترام
،،،،،،،،،،،،،،،،،،،،،،،،،،،،
أنا السعودي اللي أسير … دايم بأخلاق الكرام
لا فوضى أمارسها ولا … استهتار بأحكام النظام
هذا أنا وذا منهجي … منهاج عالين المقام
،،،،،،،،،،،،،،،،،،،،،،،،،،،،،،،،،
أنا السعودي اللي أموت … وأختي بستر(ن)واحتشام
ماضيعوها اللي مشوا … عجلين من فوق الحطام
مقلد اللي في الحظيظ … وعايش(ن)وسط الركام
،،،،،،،،،،،،،،،،،،،،،،،،،،،،،،
أنا السعودي وهامتي … فوق الثريا ماتضام
بديني وعلمي وخبرتي … أصعد وغيري في انهزام
أجد وأتعب واجتهد … واسعى إلين القى المرام
،،،،،،،،،،،،،،،،،،،،،،
أنا السعودي ومطلبي … أكون في العليا سنام
بالعلم نسمو ونرتقي … ونكون دايم في الأمام
نبني أمم نرفع علم .. خفاق من فوق الغمام

جهير الجرفين
🇸🇦🇸🇦🇸🇦🇸🇦🇸🇦🇸🇦🇸🇦🇸🇦🇸🇦