((حب الوطن))

السموحه صعب اعبر عن شعوري وان قويت
سهله اكتبها ( احبك )..بس كيف اوصف غـلاك
السموحــه يا وطنـــا .. لو ذكــــرتك مــاوفيت
الوفــــاء اللي شفت منك.. ما لقيته من سواك

يا غــلايه و يا غـــلا كــل العــــروبه مـبـتـديت
كلمـا حــــاولت جــهــدي تهت بـــاول مبتداك
لـــو احـــاول اختصر حبـــي ولو في الـف بيت
بظلم ا حســـاسي واقصر .. لا ولا بوفي معـــاك

دونـــك الارواح والغــــالي وربي لـــك رجـيـت
يحفظك من حـــاسدينك ..شامخٍ ن مهما وطاك
الحقيقــــه انت وافي وبالوفــــاء هــــذا ربيت
واعتبر جــــاحد اذا ما قلت لك .. عمــري فداك

لو اضحــي لك بروحــي واللــــه اني ما جزيت
يكفــــي اني عـايش بخيــــرك و ومتنفس هواك
واللــــه ما تكفي احبك .. وواللـــه ما اعلن رويت
كيف يروى من عشـــق ارضك .. وغنـى في ثراك

كــــم تمتعنا بخيرك وأنت راضي ما شكيت                  عشت شامخ ما لأحد منه سوى رب حماك
لا يهمك من جحد فضلك بعد منتا عطيت
ولا يعكر صفــــوك اللي اغضب الله ونساك

دام منهجنـا كتاب اللــــه ابشـر لاعتزيت                         (غيمة الارهاب) نمحيها ولا تعلى بسماك
رضاك غاية كل مخلص يرضى لا منك رضيت              والعيون الســــاهرة ما همها الا رضــــاك

من نوى لك غدر خاسر ..واعتبره اليوم ميت                 ميت بغبنه وظلمه وين هو من مستواك
ما لهـم غير الخـزي.. وانت في هم ابتليت
وأعرف انك رغم جرح الغدر ..وافي في عطاك

وانت يا من لمتني.. إن كان ما تدري دريت                  صعب اعبر عن وفا (امي او أبويه )وش بلاك‪ ؟‬
وأعرف اني .. لو أطاوع هالمشاعر ما انتهيت              بأظلم احساسي واقصر .. لا ولا بوفي معاك

‏مشاعل العسيري