صفحة من ورق

خاب ضني يالسطور

وانت صفحة من ورق

وضاق بي صدر المكان

حاصر الموجه غرق

والمكان نفس المكان

والدفاتر …… والورق

كل صفحة تنطوي

بين أنّات وأرق

والإجابة ماتنام

كل ما فيها تعب

واحكم اقفال السؤال !

بالتعجب والعجب !!

والملامح والكلام

صمت وحنين وعتب

انتهى أجمل شعور

كم رعد لي كم برَق

وكل نبرة بالزويا

بعدها صوتي اختنق

والمكان نفس المكان

والدفاتر …..والورق

خاب ضني والشعور

والطريق اللي افترق

وتاه بي الحلم الصغير

ضمّ غصني واحترق

ا/ ليلى حكمي