في يوم التأسيس

الشاعر / بلغيث محمد الواسي العلياني

يالله ياالله يارب الركوع السجود/
يامخلي اوزارها لوثقلت اوزارها.
الشكرلله كله ثم للال السعود/
اللي حمت دارها واللي حمت جارها.
سلمان سلمان ياعضداً يشد العضود/
سلمان يا ممّن القطعان بقفارها.
سلمان يالمعتصم ياستر بيض الخدود/
يلي على صوتها فزيت ليزارها.
سلمان تشكرك أوم امبرعات النهود/
الي كشفوا سترها وفكوا اسوارها.
سلمان نرفعلك البيضاء براس العمود/
وبيعه وطاعه بمعناها وتعبارها.
والشكر كله مع التقدير وأللوان الزهر والورود/
للي على الحد الاقصى باعت اعمارها.
حنا جنودالوغى حناحمات الحدود/
دمنا ثراها وحنا الدرع واسوارها.
وحنا نصبح ضحاء وحنا نهجد الرقود/
وحنا ندوس الفريق ونذبح اخيارها.
وحنا عقوبه على من ينقضون العهود/
حتى تحب الرجول وتلعن اشوارها.
وحنا نشد الصعب وحنا نعسف القعود/
من شدنا تلحس الذرعان بزوارها.
وحنا مع اصحابنا بلسم يداوي الكبود/
نذود عن نشرها ونقوم اجدارها.
صحيح ماللعلوم الكايدات المكود/
الا نوادر دهات القوم وكبارها.
ميّاحة الجم لوكثرة عليه الورود/
تُروي كبوداً ضمايا طال مصدارها.
وصلوا على المصطفى ماهب نسناس نود /
وعداد ماغردت الاطيار بأشجارها.