استهلكتنا الليالي وارهقتنا السنين
وايامنا من يقاوم سطوة اتعابها
ويقودنا ودنا واشواقنا والحنين
وتهمس أرواحنا لعيون تقرا بها
يا ونةٍ هزة الخافق متى تستكين
أدري بتسكن إذا ردوا لها أحبابها
يا الغاليه ودنا باقي ولو ترحلين
ما ترخص المترفه لو طول غيابها
عندي أمل بعد فرط أشواقي انك تجين
وارواحنا للمحبه تفتح أبوابها
نكسر حواجز ونعلن عن غلانا الدفين
بقلوبنا والعيون وضمة أهدابها
يا درة الكون عن ودك متى تعلنين
بهمسة ترضي الخاطر ويهدى بها
بسيف الاشواق للخفاق لا تجرحين
ما اظن تستاهل الارواح ما صابها
يا قاضية محكمة حبي متى تعدلين
متى ثمار العداله نقطف أعنابها
إذا حكمتي بعين العقل لا تظلمين
أحكام مثلك بنقبلها ونرضى بها
وقلوبنا بعد قسوتها تعن وتلين
وقصة الحب نرجع نكتب كتابها
لا حن قلبك لهمس الود لا تهجرين
جودي بنفحة وصال ولذة رضابها
سعيد الغامدي
