………
ماعلينا من العدا وكثرة حججها
ولا علينا بهرجة كايد هرجها
ما علينا وندري الحساد واجد
والجبل ما هزه الريح وعججها
مملكتنا ماضيه بحزم وهيبه
كم شدايد جابهت والله فرجها
السياسة واضحه والنهج واضح
والخُطا مدروسه وواضح نهجها
كم خبيث حاقد ينفث سمومه
وكم عدوا ضدنا كذبه نسجها
والله اخزاهم وبين كل خافي
والدسايس والحيل ربي خرجها
وخاب مسعى كل خوان وغادر
طامع في المملكة يغازل دعجها
دون حد المملكة لا ما نساوم
نلطم الباغين ونأدب همجها
تحت قادات هل العوجا أشاوس
تردع الأنذال وتصحح عوجها
نسل ابوتركي واحفاد المعزي
راعي الضفره ومن خيله سرجها
باني النهضة ومؤسس مملكتنا
بالعزم والحزم وحدها ودمجها
كلنا دون الوطن نفدي ترابه
والوطن تفديه الأروح ومهجها
وكلنا فدوه لسلمان ومحمد
سلم ولا حرب بيعة ننتهجها
سير يا محمد وحنا طوع أمرك
واصل الرؤية وإرقا في درجها
لا يهمك حرب إعلامي ممنهج
الحقايق واضحة والله بلجها
كلنا لك سيدي سمعا وطاعه
مايزعزنا الحكي وكثرة لججها
شعر
حسن بن قاسم قحل
