احر ما عندي على قلبك ابرد
ادري بأني عندك انسان عادي
تغلط عليه ثم تنكر و تجحد
و تقول اني بالخطأ كنت بادي
كلما اعاتب للاسف انت تبعد
ولا تجيب بالرد صوت المنادي
حاولت اسوي للمعاناه معك حد
والقى عذابي في الهوى بزديادي
غرقت مراكبنا من الجزر و المد
في صحراء أحزانك تعثر جوادي
دفتر حياتي من مشاكلك اسود
ضاع العمر كله صدود و عنادي
قلبي على الحرمان فعلآ تعود
و لا تحقق لي في حبك مرادي
لاجيت باشواقي اشوفك منكد
تهمل أحاسيسي وتحرق فؤادي
باب التفاهم بيننا صار موصد
انت بوادي وأنا عايش في وادي
افضل لنا ننسى المحبه و نبعد
ارحل معاك الله و أنسى ودادي
شعر / مصبح قاسم أبو عبدالله
٩/ ٣ / ١٤٤٤هجري
