إنته بعقلك وحسك
ياكيف طاوعت نفسك
تنهي الوصل والعلاقه
من بعد طول انتظاري
صدمت قلبي وروحي
وأنا حسبتك مزوحي
وزدت فيني جروحي
وانته بتصدر قراري
ياليتني ماعرفتك
ياليتني ما انتظرتك
ياكيف هانت بعينك
إنك تشوف انكساري
ما كان هذا جزاية
تجحد وتنسى وفايه
وتحط حد ونهايه
من بعد طول اصطباري
أستاهل إللي جرالي
وإللي حصللي ومضالي
ضيعت نفسي وحالي
من غير رد اعتباري
الله حسيبي وحسبك
يا إللي تصنعت حبك
وخدعت منهو احبك
ورميتني للضواري
ياكبرها عند ربك
ياللي تصاغرت ذنبك
بتلقى مصيرك بدربك
نفس الجزاء والطواري
………
بقلم
حسن القحل
