تعرف إنك ملهمي . . ؟
وتعرف إني بدون ما أتخيل رسومك تختلف عندي الحروف . . ؟
واكتئب … لمن أدور صورتك بين المرايا وما ألاقي لك وصوف ..
وتصبح أقلامي جفاف…
وأوراقي متعطشة ظُما … والكتابة من غير نورك ما تشوف..!!
عالمي . . . يضيييق بغيابك وساعه …
والشوارع بازدحام الناس ما أقدر أطوف ،
ولو أحاول تهرب الجملة حياء والحِبر يتناثر على الصفحة كسووف..،
وتصبح .. تفاسير النثر والشعر .. محجوبة
والغيمة تغطيها خسووف ،
وأنفاسي بصدري تحتضر… عيت تطوف ابداخلي
وأنا إلى النسمة . . لهووف،
روحي تغيب أبغيبتك
وال حاولوا إنعاشي من بعدك الووف .. !
ما الوم أحد ما يعرفك …
لو يعلموا بالي بداخل قلبي لك وكم أنا في حبك شغوف ،
أقرب من عيوني لهدبها … وما تفارقني أبد . . وعلية ما غيرك عطوف .!!
خذني معك . ل عالمك .. عفت البشر ما همني من راح .. ومنه حضر .. ما عليهم أي حسوف ،
عيشني بحضاااان السنين ..
بلا تعب واسعى بمجالاتك وأطووف،
دامك معي ما بين أيدي والمسك واتحسسك ما خفت وشهو ما حكوا خلوا الما يشوف يشوف ..
آه لو تعرفوا ملهمي،
خليت من اشباهه الوصوف
رفيق دربي وكل شي لي بدنيتي …بوجودة ما أشعر بخوف
هو الأمان ..و الحنان باقي معي رغم الظروف …
ساكني وأحيا بحبه لي وهو الوحيد الي اشوف
بقلم البرنسيسة أميرة العسيف أم الأمر
