يا كم تحملت الخطاء منك…وأعفيت
وانته تدور لأجل فرقاي زله
يشهد اله الكون..وافي وما أخطيت
عهد الوفا متملك القلب كله
جيتك غلا واحساس يا ليت ما جيت
دربك زرع في خافقي ألف عله
شكيت في صدقي ووفاي وتخليت
ما ني بمخطي وشاهد العهد ….الله
حبي في صدري مشعل الروح كبريت
وأنته سراب ……مشاعرك دون مله
وأنا أتحمل قسوتك يوم صديت
وأرجي طيوفك ….خافقي لا تذله
ما قدر فؤادك رجاوي….وأقفيت
لا جيت ترحل…..طيب ذكراك خله
كذبت عيني ….يوم لمفارقي قويت
الله يصبر خافقي بفقد خله
حزني مشيع في جنازة وتوابيت
خذلان روحي قيد الصبر….شله
فاق الوجع كيماوين دك تكريت
والقلب من وسط المعاليق تله
ودي أبشرك إن أنا اليوم …إنتهيت
جمع قصيدي …قطعة …روح بله
أكبر خسارة يوم تخنقك يا ليت
وأكبر وجع لا خان الإنسان ظله
