مايكسر غصون ضيقي غير وجه ٍ طليق
مثلك يسابق هبوب احساسي اليا انزوى
في عيني من الخلايق حب وأخت وشقيق
وفي قلبي ذيب ٍ على بعض الخلايق عوى
أعنّي أصدق شعوري كل ما جّد ضيق
وأرضيّ هواجيسي واتعب على المحتوى
و لو كان همي جماهير ٍ ومغزى عميق
مابخلت يدين شعري عن جزيل النوى
حبيبي ودي أقول إني معك فالطريق
وأشوف كل الطريق اللي معاك انطوى
وأحّلف الخافق اللي في غلاتك غريق
وش عاد فـ أسمى الشعور اللي بعدك ارتوى
حفظتك بقلبي وحطيت عهدٍ وثيق
والله ولا أذكر بيوم ٍ قلت مالك لوى
ماأقول أطغيتني عن النسا .. مايليق !
أكذب عليك وأضرك وأنت فوق الغوى
ما كني إلا حمامه 🕊 فوق غصنٍ رقيق
يميل فيها الغصن مع إتجاه الهوى
لبستني من دلالك ثوب فيني يليق
وأهديتني نور صبح ٍ كل ماابغى ضوى
عطيتني فالعمر مفتاح بيت ٍ عتيق
بابه وشباكه القبلي قزازه دوااااا
خل اللي تغتاض لاشافت بعيني بريق
تجي لها من القهر كتمه وسكته سوى
بقلم / مها الجهني
