(مساء الخير والدنيا
لها من طلتك عنوان
وانا عنوان دنيايا
لها طلتك تكفيني )
صباح الخير بك وقتي
يزين بأجمل الألوان
ومن تطري على بالي
تناديني وتغنيني
يطير من الفرح قلبي
وكنه يمتلك جنحان
وترقص حتى ضلوعي
وتغرد لك شراايني
لكم في داخلي بيتٍ
بنيته عالي الجدران
وزرعت العشق له سورٍ
إذا غــبتــوا يدفـــيني
ويزهر في كياني فل
وجوري وورد وريحان
أشمه وابتسم وانعس
وانام وهو يصحيني
أقول قلبك حديقة حب
ولا مثلك لقيت إنسان
أقول إنت جنون الشوق
ومن غــيرك يـهـنيني
أبرسم اسمك بقلبي
وأعلق صورتك نيشان
وأقول للناس والعالم
وجودك بس يكفيني
فتحية الرحبان (توحة)
( تووحة الديوان السادس )
