الشاعر الشريف حمد العبدلي الهاجس
مايجرح القلب غير القهر ويسمّه
وافعال ناسً تدمرنا ونرضيها
رفعتهم للمعالي و ابلغوا القمّه
وتنكروا للجمايل وابروا راعيها
احداهم اللي سكن في داخلي اضمّه
بين الضلوع العوج يرعى في مراعيها
ملك كياني وشال قليبي بدمّه
حتى احاسيسي تملكها بمافيها
قد كان وردً على صدري وانا اشمّه
واليوم هذي الروح تشكي من مجافيها
العين تبكي من ردى افعاله الرمّه
حتى رموش العين خانتها وتحفيها
الروح تشكي من سبايب هل النمّه
نفسي عزيزه وكم غصات تخفيها
البعد ذابحني وذاك الشوق يآهمّه
وادفع ثمن غلطات ماني براعيها
ياوقت وين الصدق وين العدل والذمّه
معقوله ان الروح تشكي جرح غاليها
خيّب رجا روح نفسً فيه مهتمّه
وذراعي اللي احسنت له قام يلويها
والله لولا الحيا من راعي العمّه
واذكّر النفس في اقوى مباديها
لآآخذ حقوقي كامله من طرف كمّه
ولا انتظر مدة ضعوفً من اياديها
