أبعتذر مو عن خطأ
لنك إذا تزعل فضيع
أفديك وأهلٍ خلفوك
وافدي حبال أوصالها
لو هو الرضا بالإعتذار
آسف يبو القلب الوسيع
وإن كان يرضيك العذر
فدوة يا اعز رجالها
رأسي أجره لحضرتك
لو هو غدا مني قطيع
حقك عليه واعترف
نفسي تعاف اذلالها
كل ما تبي حاضر وتم
بدون أعيانك أضيع
وما خنت انا نفسي أبد
لكن معك يحلى لها
نفسي نوت لكن عيت
تنساك دايم لك تطيع
وانا تِحدى لو نوت
تِعْصَى وأنا خيالها
هي ما رعت سود الليال
إلى بردها من صقيع
يا صوت تكسير الضلوع
يوم جرجرت أحبالها
عيبي أحبك واستميت
وتدري انا قلبي وسيع
آلاف حولي راغبين
ونفسي ولا في بالها
إلاك يا باهي الجبين
ودي على الدنيا أذيع
وأقول يا من تسمعون
للفاتنة وش جالها
ما اكسِرْ خواطر عزوتي
ولا أحب إللى يبيع
سنين من عمره بلاش
وما يمكنه استبدالها
بُعدك هلاكي يا الغلا
يا صاحب الذوق الرفيع
الصبر عنك ما اطيق
مهرة تبي خيالها
بقلم :
البرنسيسة أميرة العسيف
