يفداك قلبٍ لك من الشوق ما مل سماع بحة صوتك وشوفة مُحياك
تغيب مدة ثم تعاود تهل
وترجع تجدد بي مشاعر في لقياك
بعض البشر مثل القمر لا من يطل
وأنت القمر نفسه ولا من هو يسواك
ينتابني شي غريب الوصف يا خل
يا جعل كل الكون يا خلي تفداك
مناظر أسمك يذهب الهم والغل
واعشق تفاصيلك وأهيم ياروح مظناك
تحل السعادة يالغضي وين ما تحل
انت ظلالي من الهجير وأنا بحماك
بحر الكلام من زود الأشواق بيقل
وانصاع لأمر الحب من انظر لعيناك
الي لمحت لحسنها عقلي يزل
وأصبح أسير وخادماً بطوع يمناك
كل المجرة يالغلا لو هي تفل
ما حركت فيني شعرة دام وياك
. . . .
بقلم : البرنسيسة
أميرة العسيف أم الأمر
