وقت الفرح

ا/ليلى الحكمي
‏@Laila_Hakame

قل  ياوقت الفرح
انت قصة،،
قصيرةٍ كانت وإلا
حزينة ..!!؟

والوقت كيف الوقت
منك انجرح….
ضحكتك في اليوم
ماتوصل لساعة
وتتألم بسمة
وتعيش كفيفة ،

وان طال فيك الوقت
ترحل بنصف الشهر
وتقول كافي عليك
وفي جبينك غيمة
بعيدة،،

وإذا هلت مدامع
صمتنا قلت !
هذي دموع ،من وجع
وكانت الفرحة وحيدة

وعلى طاري مواجعنا
مدامعنا
بللت اسمك ،
وأصبح لونك الزاهي
بعيون الترح ،،

قلت موجود ،
قلت نايم ،
وقلت إنك في رحلة
قريبة ،
قلت في سماءك سحب
والجو غائم
وفي لحظة تجلي
صار صافي ..غريبة!!

قلت بكره ،
وبعد بكره ،
وغبت واجد ،
وان طريت في لحظة
ببالك !!
تذكرت إني دايم أحتريك
جيت ورجعت ،

توعد الآمال ،
بلهفة مريرة
والأماني في انتظارك ،
وتنهدم سكة
وتبنيها جديدة،
وكفها الأيسر على خد الوسيعة
عاف نفسه
وضاع وقتٍ مختبىء
بين اوراق
وأحلامٍ سعيده ،،

هانت الدمعة العزيزة
وانهزم منك الشعور
وذاق إذلال الهزيمة
وأنكوى بمر الفراق !!

البارحة جيت
والليله تغادر ،
بس تلوح بالاصابع ،
هي تقول إنك موادع
وكل ما طول غيابك
يافرح!!
دايم تقول !!
بس تحلى بالصبر

صِدقْ والله ..
ان الصبر احسن
وسيلة
وما عمره بيوم
خيب الظن ،
وإلا أبكانا في ليلة

قول ياوقت الفرح
انت قصة،،
قصيرةٍ كانت وإلا
حزينة ..!!؟

تجبر الخاطر ،،بخاطر
وتنسى !!
تنسى !!كسر متوقد بدون
خيوط وفتيلة!!

يافرح !! حتى لو إنك دقيقة
لاتغيب لاتبتعد مسافات
طويلة
قول . إنك مع طلوع الشمس …..راجع
تحمل ورد وأمل بالكف ..الجميلة
وتهديه أرواحنا على متن أمنية
وترجع بسمة عمر واحلى وقت .. ضايع