———-
انا اشهــد انه شي يذبح ويــاويل
قلبٍ ن يحب بصدق يا شيخ مثلك
لا نفعنا بــوح الشعر و(المواويـل)
ما اكرمت مشـاعر اللي كتب لك
تزيــد همي هم .. وتــزوّد الكيــل
وتجرح محبٍ منقهر..لو ضحك لك
#مشاعل العسيري
من حب له واحد يجيب المعاميل
ويزين الدله وهي خير مسلك
يدخل عليه يمد له بالفناجيل
ويشربه شهد اللمى قبل يهلك
يقول حبي لك كجيش الابابيل
افزع لقلبن يوم فرحه فزع لك
مكي الشامي
الحب ماله بالنهايه محاصيل
ماغير دربن نسلكه فيه مهلك
نبكي على عشقن بنيناه تأويل
كحلم عابر للاسف ما وقف لك
ياكثر ما تمسح دموعي مناديل
وياكثر ما قلبي بصدري رجف لك
مرعي مغاوي
————————-
للحب في قلبي وقلبك تفاااصيل
ماشافت عيوني ب جمالك ونبلك
مهما كتبت وقلت في صبح أو ليل
ماتنتهي الأشعار في وصف مثلك
إنت الغلا والحب وصوت المواويل
ياساكن برووحي ياحظي بوصلك
تووحة
————————
الحب اسمى من علوم المعاميل
لو يوصف الواصف عجز ما وصف لك
راعي الرموش الناعسات المظاليل
اخوض حبه حتى لو كنت بهلك
مالي ومال الكيف والبن والهيل
بالرغم اني اعشق الكيف مثلك
مرعي المغاوي
لا تظلمون الحب وانتم مداهيل
الحب يعطي لك على قدر بذلك
ابذل سخى واعطي عطية رجاجيل
واقبل من المجمول شي جلب لك
تاج المحبة حازه اللي مهابيل
في حبهم ما يعرفون انت وش لك
مكي الشامي
ترى الحب يشعل(ن) قلبي مهابيل
يحتر الفؤاد وحالك فيه مهلك
لا تأمن لعشق (ن) يخون بالويل
بلا وفى ولا بطبعه ود ويهلك
سحر عثمان
————————
يا صاحبي الحب ما فيه تبديل
فيه المشاعر صادقة ما بها شك
بعض السوالف يا سمي تشبه الخيل
لو جيت ترسنها ما تجي لك
لازم تشد الجامها لا يجي ميل
من بعدها تسلك بها كل مسلك
دامك على روس الطويلات وتشيل
لا تنظر اللي بالصغاير تشلَّك
يا صاحبي الحب ما فيه تبديل
فيه المشاعر صادقة ما بها شك
واللي يزود بالحكي والتأويل
مرات يصدق لك ومرة يغربلك
عانيت من كثر الغلا اسهر الليل
أموت فيك ولك وأشتاق واهلك
تعال فيني شوق يا ليل ياويل
قلبً تولع فيك وانكتب لك
تعبتني يا هوووه وما بقى حيل
ضاعت علومي فيك منك ولاجلك
آبو قاسم الشعواني ..
———————–*
إني بذلتُ الحب صافي وبالحيل
أشتاق وجدي يرتجي سود كحلك
انا المعنى في فؤادي مواويل
ويقطع الآفاق يرنو لوصلك
حتى يعيش الحب في الصبح والليل
وريحة الوزاب والمسك اصلك
انا حصدت الحب احلى المحاصيل
وقد قطفت الورد طوعا لأجلك
إن غبتْ غابت ريحة المسك والهيل
القلب فيك اضحى من الليل احلك
يحيى البكري
————————
ياللي هوى راعي الرموش المظاليل
اشقيت روحك يالخوي وين عقلك
اهل العشق ماتو وصارو مهايبل
اترك هوى المزيون من قبل تهلك
خلك خلاوي ناظر الجدي وسهيل
ولاجاك طاري الحب قم حط رجلك
كم راح في درب الهوى من رجاجيل
تهلك بدربه ولا احد ينتبه لك
علي القرني
************** المشاركون
الشاعرة/ مشاعل
الشاعر/ مكي
الشاعر( مرعي
الشاعرة توحة
الشاعر/ مكي
الشاعرة/ سحر
الشاعر/ ابوقاسم
الشاعر/ البكري
الشاعر/ القرني
