انا اشهــد انه شي يذبح ويــاويل
قلبٍ ن يحب بصدق يا شيخ مثلك
لا نفعنا بــوح الشعر و(المواويـل)
ما اكرمت مشـاعر اللي كتب لك
تزيــد همي هم .. وتــزوّد الكيــل
وتجرح محبٍ منقهر..لو ضحك لك
#مشاعل العسيري
هذاك درب الحب كله غرابيل
لو اضحكت لك دنيته ماصفتلك
أحيان كنه حلم جمله وتفصيل
واحيان مثل البحر يغرقٍ ويهلك
في دنيته ذقت العنا والبهاذيل
ماكل حب عشرته منصفه لك
نهاية عبدالرحمن
من حب له واحد يجيب المعاميل
ويزين الدله وهي خير مسلك
يدخل عليه يمد له بالفناجيل
ويشربه شهد اللمى قبل يهلك
يقول حبي لك كجيش الابابيل
افزع لقلبن يوم فرحه فزع لك
مكي الشامي
الحب ماله بالنهايه محاصيل
ماغير دربن نسلكه فيه مهلك
نبكي على عشقن بنيناه تأويل
كحلم عابر للاسف ما وقف لك
ياكثر ما تمسح دموعي مناديل
وياكثر ما قلبي بصدري رجف لك
مرعي المغاوي
تعال فيني شوق يا ليل ياويل
قلبً تولع فيك وانكتب لك
عانيت من كثر الغلا اسهر الليل
أموت فيك ولك وأشتاق واهلك
تعبتني يا هوووه وما بقى حيل
ضاعت علومي فيك منك ولاجلك
آبو قاسم الشعواني ..
الحب اسمى من علوم المعاميل
لو يوصف الواصف عجز ما وصف لك
راعي الرموش الناعسات المظاليل
اخوض حبه حتى لو كنت بهلك
مالي ومال الكيف والبن والهيل
بالرغم اني اعشق الكيف مثلك
مرعي المغاوي
لا تظلمون الحب وانتم مداهيل
الحب يعطي لك على قدر بذلك
ابذل سخى واعطي عطية رجاجيل
واقبل من المجمول شي جلب لك
تاج المحبة حازه اللي مهابيل
في حبهم ما يعرفون انت وش لك
مكي الشامي
للحب في قلبي وقلبك تفاااصيل
ماشافت عيوني ب جمالك ونبلك
مهما كتبت وقلت في صبح أو ليل
ماتنتهي الأشعار في وصف مثلك
إنت الغلا والحب وصوت المواويل
ياساكن برووحي ياحظي بوصلك
تووحة
إني بذلتُ الحب صافي وبالحيل
أشتاق وجدي يرتجي سود كحلك
انا المعنى في فؤادي مواويل
ويقطع الآفاق يرنو لوصلك
حتى يعيش الحب في الصبح والليل
وريحة الوزاب والمسك اصلك
انا حصدت الحب احلى المحاصيل
وقد قطفت الورد طوعا لأجلك
وان غبتْ يا ريحة المسك والهيل
القلب فيك اضحى من الليل احلك
يحيى البكري
————————
