وشفيه حبيبي اليوم علي مايجيب
ياكم عليه ارسلت لكنه جفا
كل يوم حبي له واحساسي عجيب
له حناني وكل احاسيسي وفا
صادقة واحلف يميني مايخيب
والمشاعر كلها طيب وصفا
لو يغيب عني أجن وراسي يشيب
وابكي وأذرف دموعي ف الخفا
من عرفته صار هو أغلى حبيب
ومن حنانه ذقت إحساس ودفا
كيف أناديك وأنت تسمع ما تجيب
قد قسمت القلب نصفين وكفا
إذا حبي لجروحك مايداوي يالحبيب
بكل طب الكون ما تلقى الشفا
لأني أحس بك وإحساسي قريب
لو ما عرفت مكانتك قلبي عفا
سافرت أحلامي وراحت للمغيب
لما تفارقنا كل شي بينا كنه أختفى
بس طمني عليك لو من بعيد
وأرفق بقلبي من اللهفه هفى
يا من سلبت الروح بصوت العندليب
يوم قلت أني شموخك.. عانقتك خفا
ووصفتني بالشعر وأجمل عطر طيب
كيف تهواني للنخاع وحبي لك صفا
واليوم أدور وراك وأنت عني تغيب
كل لحظة تمر شوقي لك نفا
أعرف أنك غالي ولو أكتب سكيب
من شعور الحب لك ما أظنه كفى
بس سألت عنك وياليتك تجيب
من تحبك وقلبها بالمحبه بس وفا
شموخ الهرملي
